iPhone üçün IMO.im çat proqramını şeçdik. Apple AppStore-da proqram haqda ətraflı məlumat ala bilərsiniz: http://itunes.apple.com/us/app/imo-instant-messenger/id336435697?mt=8

Proqramı telefonunuza qurmaq üçün əvvəlcə AppStore açıb orada “imo” axtarın. Aşağıdakı kimi nəticələr görünəcək. Onların içində “imo.im” seçib “Install” düyməsinə basaraq qurun.

Qurulduqdan sonra IMO.im çatı sizin proqramlarınızın siyahısında görünəcək. Onu açıb “Add an Account” ekranında Box.az hesabınızı əlavə edə bilərsiniz. Burada sizə müxtəlif çat proqramları protokolları təqdim olunacaq. Box.az Chat-ı üçün Jabber protokolunu (lampa işarəsi, aşağıda göstərildiyi kimi) seçin.

Box.az hesabınızı və parolunuzu aşağıda göstərildiyi kimi daxil edib “Sign in to Jabber” düyməsinə basın. Proqram dərhal qoşulacaq və sizin dostlarınızın siyahısını göstərəcəkdir:

Bu siyahıdan onlayn olan dostunuzu seçərək onunla söhbət etməyə başlaya bilərsiniz:

Proqram pulsuzdur.

Android üçün IM+ çat proqramını şeçdik. Android Marketdə proqram haqda ətraflı məlumat ala bilərsiniz: https://market.android.com/details?id=de.shapeservices.impluslite

Proqramı telefonunuza qurmaq üçün əvvəlcə Android Marketi açıb orada “im+” axtarın. Aşağıdakı kimi nəticələr görünəcək:

Qurulduqdan sonra IM+ çatı sizin proqramlarınızın siyahısında görünəcək. Onu açıb “Add Account” düyməsinə basaraq Box.az hesabınızı əlavə edə bilərsiniz. Burada sizə müxtəlif çat proqramları protokolları təqdim olunacaq. Box.az Chat-ı üçün Jabber protokolunu seçin:

Növbəti ekranda Box.az hesabınızı və parolunuzu aşağıda göstərildiyi kimi daxil edib “Save and Connect” düyməsinə basın. Proqram dərhal qoşulacaq və sizin dostlarınızın siyahısını göstərəcəkdir:

Bu siyahıdan onlayn olan dostunuzu seçərək onunla söhbət etməyə başlaya bilərsiniz.

Əgər bu çat proqramı sizin zövqünüzcə deyilsə, alternativ olaraq bu proqramı da sınaya bilərsiniz: https://market.android.com/details?id=com.imo.android.imoim

Hər iki proqram pulsuzdur.

İlk olaraq BlackBerry smartfonlarından Box.az Chat-a girmək üçün addımları diqqətinizə çatdırırıq:

1. Telefonunuzda BlackBerry App World proqramını açıb “implus” adlı proqramı axtarın. Tapılan nəticələr siyahısında “IMPlus Lite” proqramını seçin və qurun. Proqram pulsuzdur.

Əgər sizdə BlackBerry App World proqramı yoxdursa o zaman aşağıdakı keçiddən və ya yuxarıdakı QR kodu kamera vasitəsilə oxudaraq telefonunuza endirə bilərsiniz:

https://appworld.blackberry.com/webstore/content/6911

2. Proqramı yüklədikdən sonra onu proqramlar siyahısından açın. Ekrana gələn ilk menyuda “Jabber” protokolunu seçin. (Box.az Chatı standart Jabber/XMPP protokolu vasitəsilə işləyir).

3. Açılan pəncərədə sadəcə aşağıdakıları daxil edin və “Save” düyməsini seçin.

Login: Box.az hesabınızı (tam email ünvanını) bu sahəyə daxil edin, məsələn misal-ucun@box.az

Password: Box.az heabıbızın parolunu bu sahədə daxil edin

4. Nəhayət bu addımlardan sonra proqram sizin Box.az Chat hesabınıza qoşularaq dostlarınızın siyahısını göstərəcək.

Beləliklə artıq siz dostlarınızla hər yerdə ünsiyyətdə ola biləcəksiniz.

BlackBerry istifadəçisi deyilsiniz? O zaman növbəti yazımızda Box.az Chatı hansı telefon/smartfonda görmək istədiyinizi aşağıdakı şərhlərdə bildirin.

Qeyd: BlackBerry App World hazırda yalnız Azercell tərəfindən rəsmi dəstəklənir.

Social şəbəkələrin əsas xüsusiyyətlərindən biri də şəbəkənizdə baş verən hər bir şey haqda sizə bildiriş məktubu göndərməkdir. Məsələn dostunuz sizin şəkilinizi bəyəndi, sizin şərhinizə cavab verildi, və s., və i.a.

Nəticədə sizin poçt qutunuz bu sosial şəbəkə bildirişləri ilə dolur, normal məktubları bildirişlər arasında tapmaq getdikcə çətinləşir, poçt qutusu yararsız hala gəlir.

Aktiv sosial şəbəkə istifadəçiləri gündə yüzlərlə bildiriş alırlar. Nəticədə onların poçt qutusunda 10.000-dən çox bildiriş məktubları yığılır ki bu da poçt qutusunun dolmasına gətirib çıxarır.

Onu da qeyd edək ki, bildirişlər sadəcə gəldiyi an əhəmiyyət daşıyır. Məsələn kiminsə sizin şəklinizi bəyənməyi bildikdən sonra o məktubun heç bir əhəmiyyəti qalmır və silinə bilər. Lakin bir çox istifadəçilər bunları silmədən poçt qutusunda saxlayır.

Bildirişlər Qovluğu

Bütün bunları nəzərə alaraq biz yeni “Bildirişlər” virtual qovluğunu əlavə etdik.

Nəticədə sosial şəbəkələrdən gələn bildirişlər avtomatik olaraq sizin “Gələnlər” qovluğunuzdan arıdılaraq xüsusi “Bildirişlər” qovluğuna toplanılır. Beləliklə sizin “Gələnlər” qovluğunuzda normal məktublar, “Bildirişlər” qovluğunda isə sosial şəbəkə bildirişləri toplanılır.

Hal-hazırda aşağıdakı sosial şəbəkələrdən gələn bildirişlər dəstəklənir:

• Facebook
• Odnoklassniki
• Vkontakte
• Twitter
• LinkedIn
• Flickr
• YouTube

Yuxarıdakı şəbəkələr populyarlıqları əsasında seçilmişdir. Lakin əgər sizin istifadə etdiyiniz başqa şəbəkələr varsa və onların bu siyahıya əlavə edilməsini istəyirsinizsə o zaman aşağıdakı şərhlərdə bizə bildirin.

Bildirişlərin Silinməsi

“Bildirişlər” qovluğu həmçinin bildirişlərin silinməsini də rahatlaşdırır. Yuxarıdakı şəkildən göründüyü kimi, “Bildirişlər” qovluğuna daxil olduqdan sonra “Boşalt” düyməsini seçməklə siz bütün sosial şəbəkə bildirişlərinizi bir kliklə silə silərsiniz.

Bildirişlərin Söndürülməsi

Əgər siz sosial şəbəkə saytını tez-tez ziyarət edirsinizsə və yeniliklərdən birbaşa saytdan xəbər alırsınızsa o zaman bildirişlərin söndürmək yaxşı fikir ola bilər. Beləliklə siz poçt qutunuzun sizə maraqlı olmayan bildirişlərdən azad etmiş olarsınız.

Facebook Bildirişlərinin Söndürülməsi

Facebookdan daxil olan bildirişlərin istəyinizə görə tam və ya qismən söndürə bilərsiniz. Bunun üçün:

1. Facebookda hesabınıza daxil olun
2. Yuxarı sağ küncdə yerləşən “Hesab” (“Account”) menyusundan “Hesab Tənzimləmələri” (“Account Settings”) alt menyunu seçin
3. Açılan səhifədən “Bildirişlər” (“Notifications”) bölməsini seçin
4. Bildirişlər səhifəsində istədiyiniz növ bildirişləri söndürüb, aşağıdakı “Saxla” (“Save Changes”) düyməsini seçin.

Odnoklassniki Bildirişlərinin Söndürülməsi

Odnaklassnikidə də bildirişləri istəyinizə uyğun olaraq tənzimləyə bilərsiniz. Bunun üçün:

1. Odnoklassniki hesabınıza daxil olun
2. “Изменить настройки” menyusuna keçin
3. Açılan səhifədən “Уведомления на эл.почту” menyusuna daxil olun.
4. Çıxan pəncərədən istədiyiniz növ bildirişləri söndürün.

Bunu daha da asanlaşdırmaq üçün biz Kim? profillərin paylaşma xidmətini əlavə etdik!

Profil səhifəsinin nümunəsini görmək üçün bura keçin: http://box.az/kim/kamile87

Kim? profilləri necə işləyir?

Özünüz haqda məlumatı paylaşmaq çox asandır:

1. Siz özünüz haqda məlumatı Box.az profilinizdə göstərirsiniz. Bu məlumat sizin ad, soyad, doğum tarixi, maraq və hobbiləriniz, təhsil və iş yeriniz, və s. kimi məlumatlardan ibarətdir. Bunun üçün sol menyudan Profil bölümünü seçin ().
2. Bu andan etibarən sizin məktub göndərdiyiniz və ya çatda söhbət etdiyiniz hər bir şəxs sizin adınızın yanındakı Kim? düyməsinə () basaraq sizin haqda məlumat öyrənə bilər.

Mən özümə Kim? profili necə aça bilərəm?

Əgər sizin Box.az hesabınız varsa o zaman sizin Kim profiliniz artıq mövcuddur!

Əgər siz hələ Box.az üzvü deyilsinizsə o zaman sadəcə burada qeydiyyatdan keçin və profil məlumatlarınızı əlavə edin.

Mənim Kim? profilimi kimlər görə bilər?

Hər bir istifadəçi profilinin məxfiliyini özü müəyyən edə bilər. Burada bir neçə hal mövcuddur:

• Heç kəs görə bilməz. Bu profillər tam gizlidir.
• Box.az istifadəçiləri görə bilər. Bu halda yalnız Box.az istifadəçiləri sizin haqda məlumatı görə bilər. Bunun üçün Box.az istifadəçisi öz hesabına daxil olmalıdır.
• Hər kəs görə bilər. Bu profillər istənilən internet istifadəçisinə açıqdır.

Adi halda sizin profil yalnız Box.az istifadəçiləri tərəfindən görünəcək. Əgər siz profilinizi paylaşmaq istəmirsinizsə, o zaman aşağıdakı addımlar vasitəsilə özünüz barədə məlumatı gizlədə bilərsiniz:

1. Yeni Box.az-da sol tərəfdə “Profil” bölumünə daxil olun
2. “Əsas Məlumat” səhifəsindəki “Məxfilik” qutusunda məxfilik dərəcələrindən birini şeçin (şəkildə göstərildiyi kimi)
3. “Saxla” düyməsinə basaraq dəyişiklikləri saxlayın.

Profil səhifəsi sizin ad, soyad, doğum tarixi, maraq və hobbiləriniz, təhsil və iş yeriniz, və s. kimi məlumatlardan ibarət olacaq.

Başqa insanlarla profilimi necə paylaşa bilərəm?

Əgər siz Kim? profilinizi başqa insanlarla paylaşmaq istəyirsinizsə o zaman sadəcə profil səhifənizin ünvanını həmin şəxsə göndərin.

Hər bir istifadəçinin özünə aid profil ünvanı var və bu ünvan box.az/kim/istifadəçi-adı formatındadır. Burada istifadəçi-adı sizin istifadəçi adınızla əvəz olunmalıdır.

Misal üçün kamile87 (kamile87@box.az) istifadəçisi üçün bu ünvan box.az/kim/kamile87 olacaq.

Lakin parolunuzu bərpa etmə üsulundan təkcə siz deyil, sizin hesabınızı ələ keçirmək istəyən başqa şəxslər də ola bilər. Məhz buna görə, istifadəçilərimizin xidmətdən daha əminliklə istifadə etmələri üçün biz parolun bərpa sistemini yenilədik, onu daha etibarlı və təhlükəsiz etdik.

Yeni parolu bərpa etmək üçün istifadəçi adınızı daxil etdikdən sonra sistem avtomatik olaraq bu istifadəçiyə uyğun bərpa üsullarını göstərəcək.

Misal üçün aşağıdakı şəkildə hazırda mövcud olan iki bərpa üsulu istifadəçiyə təklif edilmişdir. Bunlardan birini seçərək bərpaya başlanıla bilər:

Qeyd edək ki, bu bərpa üsullarının aktiv olması istifadəçinin son giriş tarixindən və alternativ email ünvanını göstərib-göstərməməsindən aslıdır. Daha dəqiq desək, əgər istifadəçi öz hesabına son 24 saat içində daxil omuşdursa o zaman məxfi sual ilə bərpa üsulu aktiv olmayacaq. Bunun vasitəsilə biz aktiv istifadəçilərimizin hesablarını qorumuş oluruq.

İkinci halda, alternativ email göstərilmişdirsə, istifadəçinin hesabında göstərmiş olduğu alternativ email ünvanına bərpa məktubu göndəriləcək. Box.az yeni parol göndərmək əvəzinə həmin istifadəçiyə xüsusi bərpa keçidi göndərəcək (aşağıdakı şəkildə göstərildiyi kimi). Bərpa keçidini açdıqda istifadəçiyə yeni parolu daxil etmək təklif ediləcək.

Bütün bu yeniliklər həm bərpa sistemini daha etibarlı edir həm də parolun/hesabın oğurlanması hallarının qarşısının alınmaqda kömək edir.

Son olaraq bütün istifadəçilərimizdən məxfi sual və cavabları heç kimlə paylaşmamaqlarının vacib olduğunu xatırladmaq istərdik. Əgər məxfi sual/cavabınızı unutmusunuzsa o zaman elə indicə yeniləyin və unutmayacağınız və eyni zamanda başqalarının bilmədiyi sual/cavabdan istifadə edin. Əğər başqa bir email ünvanınız varsa onu da alternativ email kimi göstərin.

Bu sadə interfeys saytın dimanikliyini azaldırdı və yeniliklər etməyə əngəl olurdu. Bunu dəyişdirmək üçün 2007-ci ildə biz “yeni” adlandırdığımız interfeys üzərində işləməyə başladıq. Nəticədə təkcə interfeysi deyil, ümümiyyətlə Box.az-ın bir çox komponentini dəyişdik. Məsələn, proqramlaşdırma dili olaraq Perl əvəzinə PHP-dən istifadə etməyə başladıq.

2008-ci ildən yeni interfeys istifadəçilərə açıq idi lakin köhnə intefeys hələ də əsas interfeys kimi istifadə olunurdu. 25 Aprel 2009 tarixindən etibarən Box.az köhnə interfeysdan tam olaraq yeniyə keçdi. Yeni interfeys işə düşdükdən dərhal sonra bir necə problemin olduğunu gördük (məsələn bəzi istifadəçilər məktubları oxuya bilmirdilər). Bu porblemləri ən qıssa zamanda həll etməyə çalışdıq. Hal-hazırda yeni interfeyslə bağlı bizə məlum olan ciddi bir problem yoxdur.

Yeni interfeysin bəzi üstünlükləri haqda əvvəlki yazılarımızda yazmışdıq (http://blog.box.az/2009/05/yeni-boxaz-yenilikler-ve-ustunlukler/) və gələcək yazılarımızda da məlumat verəcəyik. Ümumiyyətlə AJAX texnologiyası əsasında qurulmuş interfeysin əsas üstünlüyü sürətdir, çünki səhifələr əzəvinə (köhnədə olduğu kimi) sadəcə səhifədəki məzmun yenilənir.

Lakin, AJAX texnologiyasın mənfi cəhətləri də var. Məsələn internet sürəti zəif olan istifadəçilər problemlə üzləşə bilər. Məsələ ondadır ki bu texnologiyadan istifadə edə bilmək üçün istifadəçinin kompüterinə ilk dəfə (yalnız bir dəfə) çəkisi 200Kb çox olan JavaScript faylları yüklənir. Zəif bağlantıda bu faylların yüklənməsi bir qədər vaxt ala bilər və ya heç yüklənməyə də bilər. Nəticədə istifadəçi poçt qutusuna girməktə əziyyət çəkir.

Bu problemi aradan qaldırmağın 2 üsulu var:

1. CTRL-F5 düyməsinə basaraq brouzerə “yenidən yüklə” əmrini vermək. Bu zaman JavaScript faylları yenidən yüklənməyə başlayır.
2. Birinci üsul kömək teməzsə, “Sadə” Box.az-dan istifadə etmək.

“Sadə” Box.az internet bağlantısında problem yaşayan, zəif internet bağlantısı olan və ya köhnə brouzerlərdən istifadə edən istifadəçilər üçün nəzərdə tutulub. Sadə intefeys AJAX-dan istifadə etmir və əvvəlcədən heç bir fayl yükləmir.

Sadə interfeysin başqa bir məqsədi də var – Yeni Box.az-ın dəstəkləmədiyi, köhnə brouzerlərdən girişi təmin etmək. Yeni Box.az yalnız aşağıdakı və daha yeni versiyaları dəstəkləyir. Bütün əvvəlki versiyalar üçün Sadə intefeysdən istifadə edilməlidir.

• Internet Explorer 6+
• FireFox 1.5+ (PC, Mac)
• Safari 3+
• Opera 9+ (PC, Mac)
• Chrome 1+

Sadə Box.az-ın imkanları da məhduddur. Məsələn hal-hazırda ünvan kitabçası, mövzular, və s. imkanları yoxdur. Bunun səbəbi odur ki, sadə box.az yalnız ekstimal hallarda istifadə üçün nəzərdə tutlub.

Sadə interfeysə birbaşa daxil olmaq üçün http://box.az/sade ünvanını daxil edin. Müvafiq olaraq http://box.az/yeni ünvanı sizi yeni interfeysə götürəcək. Nəzərdə tutun ki, Box.az avtomatik olaraq sizin son dəfə istifadə etdiyiniz interfeysi yaddaşda saxlayır və növbəti girişdə həmin interfeysə sizi yönləndirir.

Yeni Dizayn və İnterfeys

Web 2.0 dizayn üslubunda tərtib edilmiş poçt qutunuzun xarici və daxili görünüşü istifadədə rahatlığı və sürəti təmin edir. Yeni tərtibat hər bir gərəksiz qrafik və animasiya elementlərindən azad olduğu üçün siz vaxtınıza qənaət edirsiniz.

Profayl Şəkli

Şəklinizi profaylınıza əlavə edin və məktubunuzu qəbul edən şəxs məktubun başlığında şəkilinizi görəcək! Bunun üçün profaylınıza şəkil əlavə etmək kifayətdir.

Mövzular!

Yeni mövzular sayəsində poçt qutunuzun rəngini və stilini zövqünüzə görə dəyişə biləcəksiniz.

AJAX və Yeni İmkanlar

AJAX texnologiyalarının tədbiqi sayəsində elektron poçtla istifadə dəfərələ rahatlaşdırılmışdır. Yeni məktub yazmaq, məktub qəbul etmək və ünvan kitabçasına yeni ünvan daxil edib dəyişiklər aparmaq qısa zaman müddətində bütün səhifə yenilənmədən həyata keçirilir. Bu AJAX texnologiyasının üstünlüklərinin sadəcə bir nümunəsidir.

Avto Tamamlanma

Məktub göndərdiyiniz zaman, məktubu qəbul edən şəxsin elektron ünvanını sadəcə bir dəfə yazın və məktubunuzu göndərin. Göndərilən ünvanlar avtomatik olaraq yaddaşda saxlanılır. Yeni məktub yazıldığınızda sadəcə ilk bir və ya bir neçə hərfi yazmaq kifayət edir ki yadda saxlanılan uyğyn ünvanlar göstərilsin.

Yeni Ünvan Kitabçası

AJAX texnologiyası üzərində qurulan yeni və funskional ünvan kitabçası sayəsində rahatlıqla yeni ünvanlar əlavə edib onları dəyişdirə bilərsiniz. Yeni ünvan kitabçası əlavə edilən şəxs barədə geniş məlumat daxil etmə və şəxsin şəklini əlavə etmə imkanını verir.

Göndərilən Əlavələrin Həcmi

Göndərilən məktublara əlavə edilən faylların həcm limiti 10MB-a kimi artırıldı. Yeni Box.az vasitəsi ilə istənilən mediya faylı – şəkillərinizi, video fayllarınızı və sənədlərinizi rahatlıqla göndərə biləcəksiniz.