Box.az Məlumat Mərkəzi

Box.az Yeni Məlumat Mərkəzinə Köçürüldü

Posted by rustam on June 6, 2010  |  16 Comments

Son iki həftə ərzində biz Box.az-ı Delta Telecom-un yeni məlumat mərkəzinə (data centre) köçürməklə məşğul idik. Bu köçürülmə qısa fasilələrlə müşahidə olunsa da, gələcəkdə xidmətimizi daha da mükəmməlləşdirmək üçün bu zəruri addımı atdıq.

Yeni məlumat mərkəzindəki imkanlar sayəsində aşağıdakılar mümkün olmuşdur:

• İnternetə çıxış kanalının genişləndirilməsi
• Azərbaycan istifadəçiləri üçün daha sürətli giriş
• Daha stabil və güvənli xidmət

İstifadəçilərimiz üçün bu səhifələrin daha sürətli açılması, əlavələrin sürətli yüklənməsi və endirilməsi deməkdir.

Göstərdikləri xidmət və əməkdaşlığa görə Delta Telecom şirkətinə də öz təşəkkürümüzü bildiririk. Delta Telecom haqda əlavə məlumat üçün http://www.delta-telecom.net/

Google və Yandex-dakı dostlarınızla çatlaşın

Posted by rustam on February 7, 2010  |  13 Comments

Box.az istifadəçiləri artıq yalnız öz aralarında deyil, həmçinin Google və Yandex-dakı dostları ilə də çatlaşa biləcəklər.

Box.az Çatı genişlənərək digər çat xidmətləri ilə əlaqə yaratmağa başladı. Bunlardan ilk ikisi rusiyanın ən böyük portallarından olan Yandex və dünyanın nəhənglərindən olan Google oldu.

Əgər sizin əlaqə qurmaq istədiyiniz şəxs Google Talk/Gmail və ya Yandex Online-dan istifadə edirsə, sadəcə onun poçt ünvanını “Çata dəvət et” qutusuna daxil edib onunla çatlaşmaq istədiyinizi bildirin. Həmin şəxsin poçt ünvanı müvafiq olaraq @gmail.com, @googlemail.com, @ya.ru, və ya @yandex.ru sunluqlarından biri ilə bitməlidir. Bundan sonra siz həmin şəxslə adi qaydada çatlaşa biləcəksiniz.

Facebook-da Box.az-ın azarkeşi ol

Posted by rustam on January 31, 2010  |  7 Comments

Box.az-ın bütün yenilikləri indi Facabookda da yayımlayancaq.

Əgər siz də Facebookdan istifadə edirsinizsə, o zaman bizim Facebookdakı azarkeşlər siyahısına qoşulun! Bunun üçün bloqumuzdakı Facebook loqosundan və ya sağdakı azarkeş qutusundan isitfadə edin.

Həmçinin bizim Facebook səhifəmizə birbaşa daxil olub aşarkeş ola bilərsiniz: www.facebook.com/Box.az

Sadəcə azarkeş olmaqla kifayətlənmək istəməyənlər Facebookdakı dostlarını da dəvət edə bilərlər .

Spam və Spama Qarşı Mübarizə

Posted by rustam on December 9, 2009  |  24 Comments

Son illərdə spam (arzulanmayan, reklam xarakterli) məktubları dünyada göndərilən bütün məktubların 80%-85%-ni təşkil etmişdir[1]. Box.az da istisna deyil. Bu bloq yazısında Box.az-dakı spamlara və onları əngəlləmək üçün görülən tədbirlərə nəzər salacayıq.

Ümumiyyətlə Box.az-a gələn spamları 2 qrupa bölmək olar: xarici və yerli spamlar.

Əlavələri yükləmək üçün yeni alət

Posted by rustam on November 1, 2009  |  39 Comments

Çox zaman məktub göndərərkən ona şəkil, video və ya başqa sənədlər əlavə edirik. Əlavə olunan faylın ölçüsü 1MB-dan böyük olduqda bu bir qədər vaxt ala bilər. Bu faylı yükləyən adamda sual yaranır ki “mənim faylımın nə qədəri yüklənib, nə qədəri qalıb?“,  “bəlkə heç fayl yüklənmir, bağlantıda problem var?“. Bu problem zəif, dial-up bağlantılarında daha da aktualdır.

Bunu nəzərə alaraq biz Box.az-a yeni yükləmə alətini əlavə etdik. Bu alət vasitəsilə siz nəyinki yükləmə prosesinə nəzarət edə bilərsiniz, həmçinin eyni zamanda birdən çox fayl seçə bilərsiniz!

Box.az çatına smayliklar və başqa yeni funksiyalar əlavə olundu.

Posted by rustam on October 6, 2009  |  5 Comments

Box.az çatına bir sıra əlavələr etdik. Ən əhəmiyyətlisi smaylikların əlavə olunmasıdır. Sağ tərəfdəki şəkildə hal-hazırda çatda istifadə edilə biləcək simvol kombinasiyaları və onlara uyğun smayliklar göstərilib.

Həmçinin çata göndərdiyiniz linklər artıq avtomatik olaraq tanınacaq və üzərinə basılan zaman yeni pəncərədə açılacaq.

Son olaraq çat sisteminə avtomatik qoşulmağı əlavə etdik. İnternet bağlantısından və ya başqa problemlərdən dolayı çat bağlantısı qopduğu zaman sistem avtomatik olaraq 5 saniyə sonra qoşulmağa cəhd göstərəcək.

Ümid edirik ki, bütün bunlar sizin çat söhbətlərinizi daha da emosiyalı və rahat edəcək. 

Box.az Çat xidmətinin təqdimatı!

Posted by rustam on September 14, 2009  |  Comments Off

Çox hörmətli Box.az istifadəçiləri, Box.az sizə yeni Çat xidmətini təqdim edir!

Məktub vasitəsilə əlaqə saxlamaq asandır, lakin biz inanırıq ki bu kifayət deyil. Dostlarınızla daha yaxın ünsiyyətdə olmaq üçün onların hal-hazırda onlayn (xəttdə) olub-olmadığını bilmək və ani mesaj gəndərib-almaq imkanına malik olmaq tələb olunur.

Məhz buna görə Box.az istifadəçilərinə bu imkanları özündə cəmləşdirən Çatı xidmətini əlavə etdi. Çat sistemi haqda ətraflı məlumatla (dostları necə əlavə etmək, çata necə başlamaq, və s.) burada tanış ola bilərsiniz: http://blog.box.az/docs/chat/

Dərhal dostlarınızı çata dəvət edib, onlarla söhbətə başlaya bilərsiniz.

Box.az-ı twitterdə izləyin

Posted by rustam on September 11, 2009  |  1 Comment

İndi Box.az-ı twitterdə də izləyə bilərsiniz:

http://twitter.com/boxaz

Əgər siz Box.az haqqında tvitterdə yazırsınızsa, o zaman tvitə #boxaz əlavə edin. Beləliklə tvitterdə “boxaz” açar sözü axtarıldıqda sizin tvitləriniz də görsənəcək.

Əlavə olaraq, bloqumuzdakı xəbərləri soldakı işarəyə başaraq re-tweet edə bilərsiniz.

Uğurlu tvitlər!

Box.az-ın 9 yaşı tamam oldu

Posted by rustam on August 8, 2009  |  7 Comments

Yaşımızın üstünə bir yaş da gəldi. Azərbaycan internet məkanında ən yaşlı internet saytlarından biri olmağımıza baxmayaraq, həmişə yeniliklərlə gənc və müasir qalmaq üçün çalışırıq.

Elə ona görə də istədim keçən 1 il ərzində görülən əsas islərin hesabatını təqdim edim:

1. Yeni interfeys əsas oldu və ehtiyat üçün Sadə interfeys əlavə olundu (əlavə məlumat üçün http://blog.box.az/2009/07/kohne-yeni-ve-sade-interfeys/). 2000-ci ildən fəaliyyət göstərən Köhnə interfeys təmamilə ləğv olundu.
2. Artan tələbatın qarşısında server arxitekturamızda köklü dəyişikliklər edildi.
3. Köhnə 2 ədəd server, 5 ədəd yeni server ilə əvəz olundu.
4. Yuxarıdakı dəyişikliklər xidmətin fəaliyyətdə olan müddəti artirmağa imkan yaratdı. Son 3 aydın ortalama statistikasına görə xidmətdə 99.9% aktivlik müşahidə olunub (yəni 3 ayda cəmi 0.1% vaxt işləməyib).
5. Beynəlxalq internet kanalının genişliyi 2 dəfə artırıldı.

Bütün bu infrastruktur dəyişiklikləri bizə gələcəkdə yeni xidmətləri sürətlə həyata keçirmək imkanını yaradır. Odur ki, yenililəri gözləyin…

Bloqda canlanma

Posted by rustam on July 14, 2009  |  4 Comments

Bloqumuz işə düşdüyü gündən çalışmışıq əsas xəbərlər haqda məlumat verək. Lakin fikrimcə bu yetərli deyil. İstifadəçilərimizlə daha da sıx ünsiyyətdə olmaq üçün blog.box.az -ı daha tez-tez yeniləyəcəyik.

İstərdik ki istifadəçilərimiz də bizimlə daha sız əlaqədə olsunlar və yazılarımızı şərh etsinlər. Çalışacayıq şərhləri cavablandıraq və maraqlı müzakirələr açaq.

Əgər bloq-da olmayan hər-hansı məsələ sizi maraqlandırırsa o zaman sadəcə support@box.az ünvanına yazın. Növbəti yazılarımızda sizi maraqlandıran məsələləri işıqlandırmağa çalışarıq.