Box.az İnfo Nədir?
Bu saytda siz Box.az-da gedən yeniliklər və xidmətlərimizlə tanış ola bilərsiniz.
Posted by rustam on September 11, 2009 | 1 Comment
İndi Box.az-ı twitterdə də izləyə bilərsiniz:
Əgər siz Box.az haqqında tvitterdə yazırsınızsa, o zaman tvitə #boxaz əlavə edin. Beləliklə tvitterdə “boxaz” açar sözü axtarıldıqda sizin tvitləriniz də görsənəcək.
Əlavə olaraq, bloqumuzdakı xəbərləri soldakı işarəyə başaraq re-tweet edə bilərsiniz.
Uğurlu tvitlər!
Posted by rustam on August 8, 2009 | 7 Comments
Yaşımızın üstünə bir yaş da gəldi. Azərbaycan internet məkanında ən yaşlı internet saytlarından biri olmağımıza baxmayaraq, həmişə yeniliklərlə gənc və müasir qalmaq üçün çalışırıq.
Elə ona görə də istədim keçən 1 il ərzində görülən əsas islərin hesabatını təqdim edim:
Bütün bu infrastruktur dəyişiklikləri bizə gələcəkdə yeni xidmətləri sürətlə həyata keçirmək imkanını yaradır. Odur ki, yenililəri gözləyin…
Posted by rustam on July 14, 2009 | 4 Comments
Bloqumuz işə düşdüyü gündən çalışmışıq əsas xəbərlər haqda məlumat verək. Lakin fikrimcə bu yetərli deyil. İstifadəçilərimizlə daha da sıx ünsiyyətdə olmaq üçün blog.box.az -ı daha tez-tez yeniləyəcəyik.
İstərdik ki istifadəçilərimiz də bizimlə daha sız əlaqədə olsunlar və yazılarımızı şərh etsinlər. Çalışacayıq şərhləri cavablandıraq və maraqlı müzakirələr açaq.
Əgər bloq-da olmayan hər-hansı məsələ sizi maraqlandırırsa o zaman sadəcə support@box.az ünvanına yazın. Növbəti yazılarımızda sizi maraqlandıran məsələləri işıqlandırmağa çalışarıq.
Posted by rustam on August 13, 2008 | Comments Off
Daha bir yaş böyüdük. 08.08.08 tarixində Box.az öz 8 yaşına qədəm qoydu. Əsası qoyulduğu tarixdən indiyənə kimi daimə yeniləşmələr həyata keçirən box.az, söz verdiyimiz yeniliklərin bəzilərini istifadənizə təqdim etdi.
ötən 1 il ərzində dizayn və struktur yenilikləri sayəsində istifadəçilərimiz daha böyük həcmli poçt qutusuna sahib olublar. Təkmilləşdirilmiş ünvan kitabçası, yeni AJAX texnologiyası ilə yaradılan intuitiv interfeys, göndərilən məktub əlavələrinin həcminin artırılması bu yeniliklərdən sadəcə bir neçəsidir.
Əldə olunan statistik məlumatıara görə Box.az Cənub Qafqaz regionunda ən çox istifadəçi sayısına sahib olan lokal elektron poçt xidməti göstərən resurs olaraq liderliyini qoruyub saxlamaqdadır.
Hal-hazırda həyata keçirilən yeniliklərlə kifayətlənməyib bir sıra yeni xidmətlər üzərində işləyirik.Ümüdvarıq ki, yaxın zamanlarda tamamlayacağımız layihə bütün istifadəçilərimizin çoxdan gözlədiyi bir yenilik olacaqdır! Bir daha bütün istifadəçilərimizə bizim xidməti seçdikləri üçün təşəkkürümüzü bildiririk. Ad günümüz mübarək olsun deyirik;)
P.S. Box.az olaraq ad günümüzü bizimlə bərabər qeyd edən Aznetin bir sıra öndə gedən veb resurs təmsilçilərinə öz minnətdarlığımızı bildirmək istərdik.
Posted by rustam on June 14, 2008 | Comments Off
Məktublarınızı mobil telefonunuzdan qəbul edib və göndərmək imkanı verən yeni WAP saytımız xidmətimizdə!
Yeni və trafikə qənaətçil WAP saytımız poçt ünvanınıza daxil olan məktubların məzmununu rahatlıqla oxuma və hətta məktuba əlavə edilən istənilən mediya faylı mobil telefonunuza yükləmək imkanı verir. Siz həmçinin ünvan kitabçasından faydalanaraq elektron ünvanları mobil telefonunuzdan əlavə edib dost və tanışlarınıza rahatlıqla məktub göndərə bilərsiniz.
Posted by rustam on May 15, 2008 | Comments Off
SSL adlı xüsusi kriptoloji texnologiya sayəsində poçt qutunuza daxil olmanı daha təhlükəsizl edərək parolunuzun kənar şəxslər tərəfindən aşkarlanmasının qarşısını alır.
Posted by rustam on April 7, 2008 | 8 Comments
Mart ayının sonundan istifadəçilərimizə təqdim etdiyimiz yeni Box.az 2.0 beta versiyasında mövcud bir sıra proqram səhvləri aradan qaldırıldıqdan sonra yeni versiyanı bütövlükdə olaraq xidmətimizin daimi ünvanı olan box.az ünvanına köçürmüşük. Yeni versiyada bir sıra kiçik səhvlərinin ola biləcəyini guman edərək, istifadədə rahatlığı təmin etmək üçün bir neçə il xidmətinizdə olan klassik versiyanıda istifadənizə açıq saxlayırıq.Yeni versiyanın istifadəsi zamanı qarşılaşdığınız hər hansı bir problemi support@box.az ünvanına yazıb bizə bildirməyinizi xahiş edirik.
Filed Under: Xəbərlər
Posted by rustam on March 26, 2008 | 6 Comments
İstifadənizə yeni box.az 2.0 təqdim edirik, yeni intuitiv dizayn və ajax texnologiyası ilə tərtib olunmuş e-poçt xidmətimiz sizə elektron ünvanınızdan istifadəni daha da rahatlaşdıracaqdır.
Yeni versiyadan istifadə etmək üçün beta.box.az ünvanına daxil olub yeni (2.0) versiyasını seçib istifadəçi adınız və parolunuzu daxil etmək kifayətdir.
Xidmət beta (sinaq) mərhələsindədir. İstifadə zamanı hər hansı bir problemlə üzləşdiyiniz zaman support@box.az ünvanına yazıb bizə bildirməyinizi xahiş edirik.
Box.az 2.0 versiyasının mövcud üstünlüklrəi barədə ətraflı məlumatı buradan əldə edə bilərsiniz.
Filed Under: Xəbərlər
Posted by rustam on August 10, 2007 | Comments Off
8 Avqust 2007-ci ildə Milli ePoçt xidməti göstərən Box.az-ın 7 yaşı tamam oldu. 7 il sizlərlə bərabər irəliləyən və inkişaf edən Box.az , sayənizdə Qafqazın ən böyük pulsuz veb ePoçt xidməti göstərən portalına çevrilmişdir. 2000-ci ildə cəmi 1 serverlə xidmətə başlayan Box.az hal hazirda 130.000 yaxın istifadəçinin daimi istifadə etdiyi Veb ePoçt xidmətidir.
Qurulduğu tarixdən etibarən yüksək xidmət göstərməyə yönələn hədəfimizi daimə doğruldmağa çalışmışıq. Son il ərzində serverlərimizin sayını və gücünü artıraraq proqramlama hissəsində antivirus və antispam proqramlarını təkmilləşdirməklə yanaşı bir sıra modullar əlavə edilmişdir. İl ərzdinə sizlər üçün daha böyük yeniliklər hazırlamışıq. Xəbərlərimizi izləyin!
Bərabər olduğumuzdan məmnunuq.
Posted by rustam on October 15, 2006 | Comments Off
Gələn məktublarınız xüsusi antivirus və antispam süzgəcindən keçərək poçt qutunuza daxil olur.
Arzuolunmaz məktubların qarşısını almaq üçün poçt ünvanınıza antispam proqramı əlavə edilmişdir!
Yeni antispam sistemi və yeni antispam filtri poçt qutunuza daxil olan hər cür arzuolunmaz məzmunlu məktubları müəyyən edir və onları mövcud SPAM qovluğuna yönəldir. SPAM qovluğunda saxlanılan məktublar 5 günndən sonra avtomatik olaraq silinir. Həmin müddət ərzində SPAM qovluğuna girib orda olan məktubları nəzərdən keçirə bilərsiniz. Hazırki spam filterlərimiz daxil olan arzuolunmaz məzmunlu məktubların 90% -nə qədərini müəyyən etmək qabiliyyətinə malikdir.
Yeni antispam sisteminin effektlivliyini artırılması istiqamətində istək və təkliflərinizi support@box.az ünvanına göndərə bilərsiniz.(from blog.box.az) İnternet məkanında artan virus aktivliyini və istifadəçilərimizin informasiya təhlükəsizliyinin qorunması məqsədi ilə serverimizi viruslarin qarşısını avtomatik şəkildə alan antivirus proqram paketi ilə təmin etmişik. Antivirus poçt qutunuza daxil ola biləcək viruslu məktubların 99% qarşısını alaraq bu tip məktubların poçt qutunuza daxil olmasının əngəlliyir. Antivirus avtomatik işlədiyi üçün ayrıca heç bir əməliyyat aparmağınıza ehtiyac yoxdur.
