Əziz istifadəçilərimiz və dostlarımız,

Sizin qarşıdan gələn bayramlarınızı təbrik edir, 2012-ci ildə bol-bol bərəkət arzulayırıq!

İki il əvvəl biz Box.az-da yerli və xarici spamlarla mübarizə metodlarımız haqda yazmışdıq. Üstündən bir xeyli müddət keçib və bu mövzuya təkrar toxunmağa ehtuyac duyuruq; çünki bəzi yerli şirkətlər hələ də spama ehtiyac duyur, spam ilə email marketinqini eyni bilir. Yerli şirkətlərə keçməzdən əvvəl xaricdəki vəziyyətə baxaq:

Məşhur təhlükəsizlik şirkəti Symantec spam haqda hesabatında bildirir ki, dünyada məktubların 74.2%-ni spam təşkil edib. Bunu bizim öz statistikamız da təsdiq edir, Box.az-a gələn məktubların 70-75%-i spamdır.

Bu qədər böyük həcmi görəndə qeyri-ixtiyari sual yaranır: Bu qədər spamı kim göndərir və nə məqsədlə?

Symantecin həmin hesabatında bu suala da cavab var:

Beləliklə, gördüyümüz kimi xaricdə spam tipli reklamı yalnız və yalnız saxta, keyfiyyətsiz və ya qeyri-qanuni xidmət və məhsullar üçün istifadə edirlər.

İndi isə Box.az-a gələn yerli spamlara, yəni yerli şirkətlər tərəfindən göndərilən spamlara nəzər salaq:

Siyahını davam etdirmək də olar, lakin bizim əsas məqsədimiz spamların növlərini araşdırmaqdır. Əyləncə saytlarını çıxsaq, yerdə qalan saytların bir çoxu müstəri qazanmaq istəyən ciddi şirkərlərdir. Problem də məhz burdadır – Azərbaycanda bir çox şirkət spamı normal bir marketinq aləti hesab edir. Həmçinin bizim müşahidələrimiz göstərir ki, yerli spamın həcmi hər il artır.

O zaman, nə üçün yerli şirkətlər bu cür “marketinqə” üz tuturlar?

Biz hesab edirik ki, bir çox hallarda şirkət/sayt sahibləri ucuz qiymətə aldanır. ILKO.az, Nowmail.az, Sot.az və bir neçə digər yerli spam şirkətləri 100-300 manata 1.000.000-a qədər istifadəçiyə məktub göndərir. Bu şirkətlər özlərini internet marketinq şirkətləri adlandırsalar da, əsas işləri spamdır.

Beləliklə, biz yerli şirkətlərin sahiblərinə və marketinq menecerlərinə səslənirik: 100-200 manat qarşılığında yüz minlərlə müstəri əldə edəcəyiniz vədlərə aldanmayın. Spam, email marketinqi deyil. Əgər spam effektiv marketinq aləti olsaydı bunu dünyanın qabaqcıl şirkətləri də istifadə edərdi. Ola bilsin ki, göndərdiyiniz spamın qısamüddətli faydasını görəsiniz, məsələn saytınızın ziyarətçiləri artsın. Lakin sizin şirkəti spam vasitəsilə tanıyan istifadəçilərin ağlında siz həmişəlik ucuz bir brend kimi yadda qalacaqsınız və potensial müştərilərinizdən məhrum olacaqsınız.

PS: Spam göndərən, lakin yuxarıdakı siyahıda adı sadalanmayan şirkətlərdən əvvəlcədən üzr istəyirik – bizə bildirsəniz adınızı məmnuniyyətlə əlavə edərik.

Bir ilə yaxındır ki biz məktubların saxlanması üçün yeni sistem (mail storage system) üzərində işləyirdik. Nəhayət bu sistem hazırdır və biz istifadəçilərimizi tədricən yeni sistemə keçirməyə başlamışıq. Hazırda bir neçə min istifadəçi bu sistemə keçirilmişdir.

Yeni sistemin əvvəlkindən fərqi nədir?

İlk növbədə sürət və böyümək imkanı. Box.az-da hal-hazırda yüz minlərlə hesab və on milyonlarla məktub saxlanılmaqdadır. Məktubları saxladığımız əvvəlki sistem bu böyük həcmlər üçün hesablanmayıb və bu səbəbdən sürətdə yavaşlamalar müşahidə edilməkdədir.

Xüsusilə məktubların silinməsi və yeni məktubların göndərilməsi kimi əməliyyatlarda sürət fərqi hissediləcək qədərdir.

Yeni sistem mənim poçtuma necə təsir edəcək?

İstifadəçilər üçün demək olar ki heç bir fərq olmayacaq (təbii ki sürət xaric), keçid dövrü tam şəffafdır və xidmətdə fasilələr olmamalıdır. İnterfeysdə demək olar ki çox cuzi fərqlər var. Misal üçün sizin hesabınız yeni sistemə keçirildikdə, poçt qutunuzun interfeysində “səhifələr” düymələri sağ tərəfdə göstəriləcək:

Əgər sizin hesabınız yeni sistemə keçirildikdən sonra siz hər hansı problemlə rastlaşmısınızsa o zaman bizə bildirin – support@box.az ünvanına yazmaqla və ya sadəcə aşağıda şərh qoymaqla.

Bu gün Box.az-ın 11 yaşı tamam oldu!

Ötən il ərzində Box.az daha sosial, daha sürətli və isitfadə baxımından daha optimal olmuşdur. Edilən yeniliklər barədə uzun danışmamaq üçün, hesab etdik ki, nailiyyətlərimizi rəqəmlərlə ifadə edib sizinlə bölüşək. Nəticədə aşağıdakı infoqrafik alındı. İnfoqrafikin böyük versiyasını buradan endirə bilərsiniz.

Novruz bayramı münasibətilə bütün istfadəçilərimiz və xalqımızı təbrik edirik!

Novruz ab-havası hər yerdə hiss edilir. Biz də bu ab-havanı kompüterinizə yükləmək üçün aşağıdakı divar kağızını hazırladıq

Böyük ölçülü (1900 x 1200) divar kağızını buradan endriə bilərsiniz (və ya sadəcə şəkilin uzərinə basın):

Uzun müddətdir ki mobil versiyada dəyişikliklər etmidrik. Vaxtı gəlib çatdı.

Yeniliklər arasında:

• Azərbaycan və Rus dillərinə tərcumə (bir çox telefonlarda şrift problemi olduğundan bunu etmirdik, lakin yeni modellərdə bu problem yoxdur)
• Sosial şəbəkə bildirişləri ayrı qovluqda göstərilir.
• Cavab yazarkıb orijinal məktubdan bir hissə göstərilir
• Yeniləşdirilmiş ünvan kitabçası
• Məktubların sadə mətn formatında göstərilməsi (daha sürətli yüklənib, daha az trafik istifadə etməsi üçün biz HTML məktublarını da mətnə çeviririk)
• Yeni rahat dizayn və naviqasiya alətləri

Onu da qeyd edək ki, toxunmalı ekranı olan telefonlar üçün optimallaşdırılmış (iPhone, Android, və s.) xüsusi mobil versiya üzərində işlərimiz davam edir və bir neçə ay içində işıq üzü görəcək.

Mobil versiyadan istifadə etmək üçün m.box.az ünvanına telefonunuzdan daxil olun.

Qeyd: Bəzi istifadəçilərimiz Samsung telefonlarının bəzi modellərində problemin olduğunu bildirmişlər. Hal-hazırda bunu araşdırırıq. Əgər sizdə də mobil versiyada daxil olmaqda problem varsa bizə bildirin.

Box.az Chatını Apple iPhone smartfonlarında bir neçə proqram vasitəsilə istifadə etmək bilərsiniz. Burada biz onlardan birinin qurulmağını göstərəcəyik.

iPhone üçün IMO.im çat proqramını şeçdik. Apple AppStore-da proqram haqda ətraflı məlumat ala bilərsiniz: http://itunes.apple.com/us/app/imo-instant-messenger/id336435697?mt=8

Proqramı telefonunuza qurmaq üçün əvvəlcə AppStore açıb orada “imo” axtarın. Aşağıdakı kimi nəticələr görünəcək. Onların içində “imo.im” seçib “Install” düyməsinə basaraq qurun.

Qurulduqdan sonra IMO.im çatı sizin proqramlarınızın siyahısında görünəcək. Onu açıb “Add an Account” ekranında Box.az hesabınızı əlavə edə bilərsiniz. Burada sizə müxtəlif çat proqramları protokolları təqdim olunacaq. Box.az Chat-ı üçün Jabber protokolunu (lampa işarəsi, aşağıda göstərildiyi kimi) seçin.

Box.az hesabınızı və parolunuzu aşağıda göstərildiyi kimi daxil edib “Sign in to Jabber” düyməsinə basın. Proqram dərhal qoşulacaq və sizin dostlarınızın siyahısını göstərəcəkdir:

Bu siyahıdan onlayn olan dostunuzu seçərək onunla söhbət etməyə başlaya bilərsiniz:

Proqram pulsuzdur.

Box.az Chatını Android smartfonlarında istifadə etmək üçün bir neçə proqram mövcuddur. Burada biz onlardan birini qurulmağını göstərəcəyik.

Android üçün IM+ çat proqramını şeçdik. Android Marketdə proqram haqda ətraflı məlumat ala bilərsiniz: https://market.android.com/details?id=de.shapeservices.impluslite

Proqramı telefonunuza qurmaq üçün əvvəlcə Android Marketi açıb orada “im+” axtarın. Aşağıdakı kimi nəticələr görünəcək:

Qurulduqdan sonra IM+ çatı sizin proqramlarınızın siyahısında görünəcək. Onu açıb “Add Account” düyməsinə basaraq Box.az hesabınızı əlavə edə bilərsiniz. Burada sizə müxtəlif çat proqramları protokolları təqdim olunacaq. Box.az Chat-ı üçün Jabber protokolunu seçin:

Növbəti ekranda Box.az hesabınızı və parolunuzu aşağıda göstərildiyi kimi daxil edib “Save and Connect” düyməsinə basın. Proqram dərhal qoşulacaq və sizin dostlarınızın siyahısını göstərəcəkdir:

Bu siyahıdan onlayn olan dostunuzu seçərək onunla söhbət etməyə başlaya bilərsiniz.

Əgər bu çat proqramı sizin zövqünüzcə deyilsə, alternativ olaraq bu proqramı da sınaya bilərsiniz: https://market.android.com/details?id=com.imo.android.imoim

Hər iki proqram pulsuzdur.

Bir neçə ay əvvəl biz kompüterinizə yükləmək üçün Box.az Chat (http://chat.box.az/)proqramını təqdim etmişdik. Lakin günümüzdə bir çoxumuzun internetə mobil telefonumuzdan girməyimizi nəzərə alsaq, çat proqramının telefonda olmasını mühüm hesab edə bilərik. Buna görə biz mobil telefonlar üçün Box.az Chat proqramını qurmaq haqda silsilə yazılar yazmağı planlayırıq.

İlk olaraq BlackBerry smartfonlarından Box.az Chat-a girmək üçün addımları diqqətinizə çatdırırıq:

1. Telefonunuzda BlackBerry App World proqramını açıb “implus” adlı proqramı axtarın. Tapılan nəticələr siyahısında “IMPlus Lite” proqramını seçin və qurun. Proqram pulsuzdur.

Əgər sizdə BlackBerry App World proqramı yoxdursa o zaman aşağıdakı keçiddən və ya yuxarıdakı QR kodu kamera vasitəsilə oxudaraq telefonunuza endirə bilərsiniz:

https://appworld.blackberry.com/webstore/content/6911

2. Proqramı yüklədikdən sonra onu proqramlar siyahısından açın. Ekrana gələn ilk menyuda “Jabber” protokolunu seçin. (Box.az Chatı standart Jabber/XMPP protokolu vasitəsilə işləyir).

3. Açılan pəncərədə sadəcə aşağıdakıları daxil edin və “Save” düyməsini seçin.

Login: Box.az hesabınızı (tam email ünvanını) bu sahəyə daxil edin, məsələn misal-ucun@box.az

Password: Box.az heabıbızın parolunu bu sahədə daxil edin

4. Nəhayət bu addımlardan sonra proqram sizin Box.az Chat hesabınıza qoşularaq dostlarınızın siyahısını göstərəcək.

Beləliklə artıq siz dostlarınızla hər yerdə ünsiyyətdə ola biləcəksiniz.

BlackBerry istifadəçisi deyilsiniz? O zaman növbəti yazımızda Box.az Chatı hansı telefon/smartfonda görmək istədiyinizi aşağıdakı şərhlərdə bildirin.

Qeyd: BlackBerry App World hazırda yalnız Azercell tərəfindən rəsmi dəstəklənir.

Weboxu.com İT xəbər saytı Azərbaycanın müxtəlif saytlarının istifadəçi bazasını analiz edib bunun əsasında Azərbaycanda ən çox istifadə edilən elektron mail xidmətlərini müəyyən etmişdir.

Araşdırmanın nəticələrinə görə Box.az-dan istifadə edən internet istifadəçilərinin sayı təqribən 13% təşkil edir və Box.az Azərbaycanın ikinci ən cox istifadə edilən poçt xidmətidir. Birinci yerdə təqribən 53% -lə mail.ru xidməti liderliyini davam etdirir.

Məqalərnin tam mətnilə burada tanış ola bilərsiniz: http://weboxu.com/blog/analysis/1052.html

Box.az-ın bu siyahıda birinci olmağı üçün əvvəlki illərdə olduğu kimi bu il də bir çox əlavələr edəcəyik. Bunlar arasında:

1. Mobil və desktop email proqramlarından məktubları yoxlama imkanı (POP3/IMAP)
2. Məktubları axtarış sistemi
3. Yeni mobil versiya

Təbii ki bunlarla yanaşı görünən və görünməyən bir çox dəyişikliklər üzərində də daim işlər gedir.

Ümid edirik ki, bütün bunlardan sonra birincilik bizdə olacaq. Bütün istifadəçilərimizə təşəkkür edirik!